SERVIZO DE PRÉSTAMO GRATUÍTO DE MATERIAL ORTOPROTÉSICO
Desde a AECC
ofrecemos un servizo de préstamo gratuíto de material ortoprotésico, destinado
a todas aquelas persoas diagnosticadas de cancro e familiares que así o
necesiten.
Ademáis do “Banco
de Perrucas”, dispoñemos de outro material como camas articuladas eléctricas,
cadeiras de rodas, grúas de mobilidade, colchóns antiescaras, entre outros, son
algúns dos materiais máis demandados.
Debido a esta
grande demanda que recibimos na AECC, queremos darche a coñecer este proxecto:
BANCO DE
MATERIAL ORTOPROTÉSICO
Servizo que vai dirixido prioritariamente en beneficio de persoas con
diferente problemática social e/ou con escasos recursos socioeconómicos para
adquirir este tipo de material, que o necesitan de forma inminente para a súa
recuperación ou convalecencia e como axuda para o familiar coidador/a principal.
Esta iniciativa pon de manifesto as dificultades coas que se atopan moitas
persoas con diferentes enfermidades e discapacidades.
Ten como
principal obxectivo mellorar a calidade de vida das persoas que son atendidas
nos seus fogares. Trátase de dotar aos familiares que prestan os coidados
principais no fogar do material necesario para que a persoa estea o máis cómoda
posible.
Coa
iniciativa #EuNadoPorEles que emprendeu o nadador Felipe Iglesias Mira, consistente en
doazóns que apadrinen os metros que el nada, intentamos financiar unha parte
importante deste proxecto en Ourense para este ano 2019.
